اسمعيني
اسمعيني لما أجيلك
لما احكيلك
اسمعيني في كل ظروفي
بقيت بخاف من خوفي
بقيت أهرب من شوفي
و كاره لكل حروفي
اسمعيني ..
اسمعيني لما اقولك على شوقي
لما أغنيلك مشتاق في لحظة إشتياق
لنظرتك لهمستك لضحكتك
لما أبعتلك وأقولك
ضميني إكسبيني حسيني
أنا محتاجلك .. محتاج منك إنك
تسمعيني ...
إسمعيني وخليني
ادافع لحظة عن نفسي
خليني أوضح سوء ظنك
سيبيني أبين معنى قلبي
اللي إتهمتيني فيه وقولتي
ميستهالشي حبك
......
عارفه ..
عارفه لما تسمعيني
هيختفي الخلاف اللي بينك وبيني
هنرجع تاني لبعضينا
ونمسك مع بعض إيدينا
هنضحك تاني ونهزر
ونحب نشوف بعيونا منظر
القمر في لحظة بدوره
و ..
و هقولك بحبك
هقولك عشقتك
هقولك حبيبتي
وأقولك كلام في احساسي
نفسي أأقولهولك من لحظة فراقنا
بس إنتي تسمعيني
........
إسمعيني يا حياة
انا طفل من اهله تاه
غلط وفكر انه يقدر
يعيش بحاله في الحياه
إسمعيني يا أمال
أنا الصعب أنا المحال
اللي مش ممكن يتحقق
غير لواحدة ملكة جمال
اسمعيني يا حياتي
انتي اللي الجايلي وانتي اللي فاتي
انتي حبيبتي وانتي ألاتي
اللي بعزف عليها حالي
في مقطوعة لأغنياتي
إسمعيني يا اللي قلبي
بينطق اسمك في اللي فات
واللي جااااي
وفي كل لحظة حتى الممات ..

فإسمعيني ..
وضميني
وغني معيا أغنياتي ..
إسمعيني ...
.........................