دي كلمات معزوفه على انغام معروفه . وسط زحمة الاغاني والالحان موجودة . بقولها بصوتي العالي مش هبكي انا على حالي . وايه هيفيد البكى بعد ما انتهى الموضوع . اوقات كتير معنداني وعمرها ما كانت سنداني واقف في وشها وحالف ما هرجع غير وانا متغير ومهما كان العمر قصير هسابقه واحاول اتغير . 
واكتب بإيدي حكاياتي واعزف انا ألحاني هصبر واحارب الدنيا دا انا ليا في الايام سنين . ويا عالم انا أبقى مين ب وش واحد ولا اتنين . فرحان او حزين 
اصبر وصابر في الدنيا دا انت ليك في الايام سنين . دي كلمات معزوفه على انغام معروفه . وسط زحمة الاغاني والالحان موجودة . 
...
وبتنقل من آله لآله وبقالي سنين على دي الحاله. مسكت ناي وعزفت ومن ألحاني انا خوفت . غيرت الناي ل الربابه واتملت ألحاني غرابه. وبقيت مندهش منها منا عمري ما غنتها . خوفت منها واتداريت ورجعت تاني اقول ياريت لو ارجع تاني لزماني انا لزماني حنيت .
..
 ايام ماكنت ماسك جيتار وبعزف الحان كتار بس انا اللي اتبطرت والنعمه مني زالت . اه مازالت دنيتي معنداني ومن كل حاجة حرماني . من العزف والاغاني ومن كل حاجة حبيتها . عشان بس انا اتبطرت ع النعمه قامت زالت من قدامي . انا مش باكي على حالي . انا بحكي رواياتي قابلتها في الدنيا اللي كانت معنداني ومافيش غير الضحكة اللي كانت هي بس سنداني . وحكمة قالتلي في الحياه 
اصبر وصابر في الدنيا دا انت ليك في الايام سنين . واهو هي دي الكلمات المعزوفه على الانغام المعروفه . وسط زحمة الاغاني والالحان موجودة. 
..
#كلمات_معزوفه 
#ديشا_علوان
Mostafa Elwan