انا عقلي زي الطير طاير ولا همه
بيدور ع الحرية هربان من همه
عايز الحرية اللي محرومه منه
نفسه يفضل عايش فوق في الجو
يبعد عن الخبيث اللي من صفات ابليس
عايز يروق روقان لا يشغل باله بحزن ولا
يحس بهمدان
نفسه يبعد عن الدنيا وهمها ويعيش في
دنيا يبقى قدها
يكون فيها اخلاص مش تدبير للخلاص
يكون فيها حنيه بسيطة ومش مفتريه
يكون الحب فيها سائد الناس وملجمهم
يكون القانون ساير ع الكل مش بس المظلوم
نفسه في دنيا تانية مليانة خير وحنية وسعادة غير منتهية ..
طب يلاقيها فين طيري تلك الحرية .....
اهو اصطادته البندقية وقع من السما مرمي ع الارض ولا له اي اهمية ..
رايح فين ياعقلي ما خلاص جناحك انصاب ارجع بقى مكانك تعبت انا وياك .. ارحمني وارحم قلبي .. رد عقلي طب قولي مين رحمني ما انا عايش معاك سنين معداش يوم علينا غير وانت حزين .. خليني اطير وابقى حر مافيش ع الارض لحظة تسر ..
ارجع يا عقلي ليا خلينا نواجه الدنيا دي عليا مفتريه اواجه ازاي من غيرك وانت المدبر ليا
دا انا من غيرك ماليش اهميه زرعك ربي فيا علشان تتحكم فيا .. يا عقلي اهدى واركز وارجع عند المركز اللي فيه بتتمركز ..
انا عقلي زي الطير طاير ولا همه
بيدور ع الحريه هربان من همه
Mostafa Elwan