انسان بسيط كان حويط ماشي جمب الحيط 
كان بيقول يا دنيا فيكي انا ابسط انسان . 
بسيط وبساطتي مخلياني انسان صعب الفهم .
الناس كلها فهماني ان انا جبان علشان ساكت ومداري جوايا الشيطان . لا يعرفوا شري ولا فاهمين خيري . فاكرين سكوتي ضعف ياغبائهم يا حالي . لا يعرفوا البساطة ولا يفهموا المشاعر . اصلهم فاكرنها غابه والبقاء للاقوى اه يا غباء انتشر وسط زحمة البشر اللي فاكرين انهم في معركة ولازم على الانسان تنتصر . انا كنت انسان بسيط حويط ماشي جمب الحيط كنت بقول ان انا في الدنيا ابسط انسان بس اعمل ايه للايام اللي خلتني اتغير مع اني رافض تغيري بس عشان اعرف اعيش وسط غابة البشر لازم اكون انا الاسد .مش شرط اكون حاكم الغابه بس ع الاقل يكونوا فاهمين ان ليا مخالب واعرف بيها اهاجم واصطاد فريسه . اصلك عايش في غابه البشر اللي لازم فيها تنتصر . بالكدب والخداع . بالزوق والضمير . الاسلحه والاساليب فيها كتير بس المهم الضمير ... انسان بسيط كان حويط وماشي جمب الحيط 
كان غلبان مش جبان . بيتمنى السعادة والهناء بس الدنيا غيرته عشان يقدر يعيش وسط غابة البشر ..  
Mostafa Elwan